Ai’ta ! Bro Naoned

A l’occasion de la réouverture du Château des Ducs de Bretagne à Nantes, joyau patrimonial et culturel de toute la Bretagne, Ai’ta ! est intervenu samedi 10 février 2007 dans l’enceinte du château, à partir de 14h30, jusque 16h30, afin de proposer aux visiteurs des cours gratuits d’initiation au breton.

Une partie non utilisée du chapiteau de La Poste à gracieusement été mise à disposition d’Ai’ta ! afin de dispenser les cours de breton dans les meilleurs conditions.

A 15 heures, après la prestation du Bagad de Nantes au milieu de la cour du château, les premiers cours ont pu débuter. C’est au total une soixantaine de personnes qui sont venus participer à quatre sessions d’initiation au breton. Des plus jeunes aux plus anciens, des nantais comme des visiteurs lointains (Lyon, Rouen…), toutes et tous ont exprimé leur grand intérêt vis-à-vis de la langue bretonne, patrimoine culturel des bretons au même titre que le Château des Ducs de Bretagne, magnifiquement remis en valeur suite à cette dernière restauration.

La première action d’Ai’ta ! à Nantes a été un succès, démontrant le réel intérêt de la population nantaise pour sa culture régionale.

D’ar sadorn 10 a viz c’hwevrer, devezh digoridigezh Kastell Duged Breizh e Naoned, glad istorel ha sevenadurel an holl vretoned, en doa kinniget ar strollad “Ai’ta !” kentelioù brezhoneg digoust da weladenerienn ar c’hastell, adalek 2e30, betek 4e30.

Aozet e oa bet ar c’hentelioù en ul lodenn disimplijet e kaborell degemerus Ar Post, trugarez dezho!

Da deir eur e oa ar gentel gentañ, goude sonadeg Bagad Naoned e kreiz porzh ar c’hastell.

War-dro tri-ugent den o doa kemeret perzh er peder c’hentel brezhoneg “live mann”: bugale, tud yaouank ha tud koshoc’h, eus Breizh hag eus broioù pelloc’h (Lyon, Rouen…).

An holl o doa lavaret o zudi diwar-benn ar brezhoneg, ur perzh talvoudus deus sevenadur ar vretoned, evel ma ‘z eo ivez Kastell Duged Breizh.

Berzh bras he deus graet obererezh kentañ Ai’ta ! Bro-Naoned, ar pezh a ziskouezh dedenn an naonediz evit sevenadur o bro.

Petra eo ?

Petra eo Ai ’ta ! ?

Ur strollad tud yaouank (evit al lodenn vrasañ anezho) o stourm evit ar brezhoneg eo Ai ’ta ! Krouet eo bet e miz Meurzh 2005 e Bro Dreger da gomañs gant ur pemzek den bennak. Da c’houde eo skignet Ai ’ta ! da vroioù all e Breizh. E miz Here 2006 eo bet ganet Ai ’ta ! Bro Roazhon, gant un ugent den bennak. Ha bremañ, e miz C’Hwevrer 2007 eo bet ganet Ai’ta ! Bro Naoned.

Petra eo pennreolennoù Ai ’ta ! ?

Difeuls eo ar strollad, ha n’eo ket stag ouzh strollad politikel ebet. Komz diwar-benn ar brezhoneg eo hor pal pennañ, ha pouezañ war ar reoù emañ ar galloud gante evit lakaat ar brezhoneg ofisiel evit kas war-raok an divyezhegezh er gevredigezh. A-bouez e vez deomp stourm en un doare dic’hortoz, fentus, brav da welet.

Petra vo graet gant Ai ’ta ! Bro Naoned ?

War an draezhenn Ai ’ta ! Bro Dreger en deus graet kalz a oberoù dija : en em anzav gant stalioù el lec’hioù foran (ti-gar, plasennoù…) hag er gouelioù. Er memes giz eo bet graet gant Ai ’ta ! Bro Dreger ha Bro Roazhon e vo lañset taolioù arvest gant Ai ’ta ! Bro Naoned : kentelioù brezhoneg war ar plasennoù, festoù-noz dic’hortozet, emgavioù treuzwisket hag all…

Petra eo spered Ai ’ta ! ?

Yaouank, plijus, digor, mennet, leun a startijenn, festus…

Perak al liv orañjez ?

E-giz-se ’mañ kont ! Ha deomp da vezañ gwelet a-bell.

Da betra ober traoù evit difenn ar brezhoneg ?

Abalamour n’a ket an traoù gwall vat gantañ er c’houlz-mañ. Daoust da se e fell deomp derc’hel anezhañ en e sav ha mirout anezhañ bev. Un tamm eus glad ar bed hag eus hor glad deomp, Bretoned, a vo kollet aze ma ne reomp mann ebet bremañ.

Un dra evit ar vrezhonegerien hag ar brezhonegerezed nemetken ?

N’eo ket. E-barzh Ai ’ta ! ez eus tud na ouzont ket brezhoneg (c’hoazh !). Degemeret mat e vo an holl !

Torr-penn eo stourm e-barzh Ai ’ta ! ?

Tamm ebet ! Goude an oberoù hag an emvodoù e vez paket ur bannac’h alies a-gevret pe riboulet ! Pep hini a gemer perzh en Ai ’ta ! evel en deus c’hoant. Met seul vuioc’h a dud o stourm, seul vuioc’h a startijenn er strollad. Ar pal zo bezañ niverus-niverus a-benn ober traoù bras hag efedus. Deuit ganeomp ma’z oc’h dedennet gant dazont ar brezhoneg !

Trugarez da Ai’ta ! Bro Roazhon

Bienvenue sur le site d’Ai’ta ! Bro Naoned